शिक्षणाच्या आईचा घो

:-( मुलगा शिकुन इंजिनिअर झाला.  पुण्याला मोठ्या नामांकीत कंपणीत साहेब झाला. पगार महिना 32000 रु.
मुलासाठी चांगली सुशिक्षित, सुस्क्रुत, सुंदर मुलगी पाहीजे. मुलगा इंजिनीअर मग मुलगी पण इंजीनिअर असेल तर उत्तम.

आता बर ठीक आहे. तुमच्या मुलाला तुमच्या अटींप्रमाणे सुशिक्षित, सुस्क्रुत, सुंदर आणि इंजीनिअरच मुलगी मिळाली. लग्न झाल, सर्व पार पडल. मग आता मध्येच का तुमच घोड मेल? लग्नासाठी तुम्हाला इंजिनीअर मुलगी हवी होती मग आता लग्नानंतर तुमचे विचार कसे बदलले? तिने आता तिची नोकरी continue करण्याची इच्छा केली तर चक्क तुम्ही तिला विरोध करता. घराला स्त्रीच्या कमाईची गरज नाही , मुलाची मिलकत पुरते वगैरे टोमणे मारायला सुरुवात झाली? तुम्हाला जर घरकाम करणारी मोलकरीणच हवी होती तर इंजिनिअर मुलगी का बघितली? घरकाम करायला कमी शिक्षण घेतलेल्या पण घरकामात तरबेज असलेल्या खूप मुली आहेत समाजात. एखादीच नशीब उजळल असत. मुलींनी नोकरी करण तुम्हाला खपत नाही मग का असा उच्च शिक्शित वधु चा अट्टाहास का करता? तुमच्या या पुरुशी हेकेखोरपणामुळे त्या मुलीच्याच नव्हे तर तिच्या बापाच्या मनाला किती दुःख झाल असेल याचा विचार केला कधी? किती स्वप्न बघून त्या बापड्यान आपल्या मुलीला इंजिनिअर बनवलेल असत. कशासाठी? लग्नानंतर तुमच्या घरकामगार होण्यासाठी?

समाजातला पुरुशी हेकेखोरपणा कधी जाईल कोण जाणे. अजून किती मुलींच शिक्षण धुळीला लागणार आहे कोण जाणे. अश्या वेळी खरच म्हणावस वाटत," या शिक्षणाच्या आईचा घो."

(मुलींनो स्पष्ट नकार द्या अश्या स्थळाला जिथे तुमच्या शिक्षणाची कदर नाही.)